Saturday, April 01, 2006

உங்கள் அனைத்து பிரச்சினைகளும் தீர்வு இங்கே...

எதோ நேமாலஜி..வாஸ்து..நியூராலஜி என நினைக்க வேண்டாம்.. :) மிகப் பிரபலமான அறிவியல் முறை தான்.

இன்றும் பல மேலாண்மையில் உபயோகப்படுத்தும் மிக எளிய முறை. நம்மில் பலர் நம்மை அறியாமலே இந்த முறையைப் பயன்படுத்தி வந்தாலும் ஆச்சர்யப்படுவதற்கில்லை.. அப்படியானால் நீங்கள் பெருமையாக சொல்லிக் கொள்ளலாம்.. தியரி ஆஃப் கன்ஸ்ட்ரெய்ன்ஸ் எனக்குத் தெரியும் என்று. நீண்ட நாட்களாக எழுத நினைத்த தலைப்பு இது.

என்னால் இங்கே முழுமையாக இந்த பதிவில் விளக்க முடியாதெனினும் சாராம்சத்தைத் தருகிறேன். தொடர்ந்து படிக்க ஆர்வமுள்ளவர்களுக்கு இணைப்புகளைக் கொடுக்கிறேன். தொடர்ந்து தமிழில் எழுதவும் முயல்கிறேன். எனக்கு தமிழ்ச் சொற்கள் தட்டுப்படவில்லை எனில் ஆங்கிலத்தைத் துணைக்கிழுப்பதையும் கண்டுகொள்ள வேண்டாம்.

இந்த தியரி ஆஃப் கன்ஸ்ட்ரெய்ன்ஸின்(TOC) சாராம்ஸம் இதுவே...

1) பிரச்சனைகள் எதுவானாலும் அதற்கு பல தீர்வுகள் இருப்பது போல் தோன்றுவது ஒரு மாயை. ஒவ்வொரு பிரச்சினைக்கும் ஒரே ஒரு மிகச்சரியான தீர்வு மட்டுமே உண்டு. (There is nothing called choices)

2) நீங்கள் தீர்வுகளாக நினைக்கும் இரண்டில் ஏதேனும் ஒன்றைத் தேர்வு செய்யும் போது, தேர்வு செய்யப்படாத மற்றொன்றால் நீங்கள் ஏதேனும் பயனை இழப்பதென்பது அணுவளவிற்கும் இருக்கக்கூடாது. ( Never ever compromise on requirments)


இதை அடைவது எப்படி என பார்ப்போம்..

பிரச்சினைகள்....அலுவலகமோ..சொந்த வாழ்க்கைப் பிரச்சினையோ.. அதைப் பற்றி நினைக்கும் போது முடிவில் ஒரு குழப்பத்தில் கொண்டுபோய் முடிக்கிறது.

இதைச் செய்வதா... அதைச் செய்வதா... இதில் இந்த பயன்... அதில் அந்தப் பயன் .. நமக்கு இரண்டுமே வேண்டுமே.. என்ன செய்ய .. இது தான் குழப்பம் (dilemma)

TOC இங்கே உங்களுக்கு உதவும்... மந்திர மாயம் போல் ஒரு தீர்வை எதிர்பார்க்காதீர்கள்.

TOCயால் நீங்கள் செய்ய நினைத்த செயல்களில் ஒன்றின் மூலமே.. நீங்கள் பெற நினைத்த இரண்டு பயனையும் ஒரு துளி கூட compromise செய்யாமல் பெறவைக்க உதவ முடியும்.

இது போன்ற தீர்வை அடைவது என்பது ஸ்வாரஸ்யமான 6 படிகள் கொண்ட முறை. ஒவ்வொரு படியும் உங்களை தீர்வின் அருகில் கொண்டு செல்வதை உணரமுடியும்..

சில முறைகள் ... நீங்கள் யோசிக்க மறந்த சில பிரச்சனைகளையும் வெளிக்காட்டி அதையும் சரி செய்ய உதவும்..

அனைத்துப் படிகளையும் இங்கே விளக்க முடியவில்லை என்னும் அதன் முதல் படியை நான் எடுத்த ஒரு முக்கிய முடிவை எடுத்துக்காட்டாக கொண்டு விளக்க முயல்கிறேன்.

ஒரு மாதம் முன்பு எனக்கு ஒரு பிரச்சனை.

பிரச்சனை: என் அலுவலகம் என் வீட்டிலிருந்து 50 மைல் தொலைவில் மாறிவிட்டது. கண்டிப்பாக கார் வாங்கவேண்டிய நிலை.

A) குறிக்கோள் : கார் வாங்க வேண்டும்

குழப்பத்திற்கு காரணமான இரண்டு தேவைகள்:

B)தேவை 1: மாதாமாதம் அதிக பணப் பிடித்தம் கூடாது

C)தேவை 2: காரில் ஓட்டுவது ஆபத்தில்லாமல் பிரச்சினையில்லாமால் இருக்க வேண்டும்.

இந்த இரண்டு தேவைகள் செய்யத்தூண்டும் இரண்டு conflicting செயல்கள்:

D)செயல் 1: உபயோகப்படுத்தபட்ட காரை வாங்கு

D`)செயல் 2: புதிய காரை வாங்கு


படி 1 : CCC (Core confict cloud)



கொஞ்சம் யோசித்துப் பின் மற்றபடிகளையும் முடித்தபிறகு எனக்கு தோன்றிய முடிவு கீழே. மற்ற சாத்தியக்கூறுகளையும் தீவிரமாக அலசியதில் நான் எதிர்பார்த்த செலவிற்குள்புதிய காரை வாங்கும் வாய்ப்பு கிடைத்தது.

இந்த தியரி அஃப் கன்ஸ்ட்ரெயின்ஸை மேலும் அறிய இணைப்புகள் இதோ.

http://en.wikipedia.org/wiki/Theory_of_constraints

http://www.focusedperformance.com/articles/toctp2.html

7 comments:

மாதங்கி said...

மிகப் பயனுள்ள பதிவு
வாழ்த்துக்கள்

மாதங்கி said...

மிகப் பயனுள்ள பதிவு
வாழ்த்துக்கள்

Suka said...

நன்றி மாதங்கி...உங்கள் வலைத்தளப் பெயர் 'பெரிதினும் பெரிது கேள்' அருமை.

பரஞ்சோதி said...

உபயோகமான, வித்தியாசமான பதிவு. வாழ்த்துகள்.

Suka said...

நன்றி... பரஞ்சோதி.

Machi said...

பயனுள்ள பதிவு.
இது தேர்தல் நேரம்..
அதிமுக, திமுக இரண்டில் எந்த கூட்டணிக்கு ஆதரவு தெரிவிக்கலாம்? என்னளவில் சில விசயங்களில் திமுகவும், சில விசயங்களில் அதிமுகவும் சிறப்பாக தெரிகின்றன...
யாருக்கு ஓட்டு போடவேண்டும்.

Suka said...

ஹ.ஹா :) நல்ல பேருதான் உங்களுக்கு.

இவர்களிருவரும் சிறப்பாகத் தெரிவதற்கே உங்களைப் பாராட்டவேண்டும்..

உண்மையில் இதன் அனைத்துப்படிகளையும் கடைபிடித்தால் விடை கிடைக்கலாம்.. அப்படி ஆராய்ந்து வாக்களித்தால்.. நீங்கள் தான் சிறந்த இந்தியக் குடிமகன் :)